لاتشتكي من جور الايام (للناس

.. لا تشـتكي من جور الأيـام لـ " النـاس " ..!

--------------------------------------------------------------------------------

لا تشتكي من جور الأيام للناس
ادفن همومك في ثرى الصمت كله
اسرار عمرك خلها تحت الأنفاس
لا صار هراج القفى ما فطن له
هذاك يفرح لالمس جرح الاحساس
وهذا مناه اليا لقا فيك عله
جو الربيع بعجة الصيف ينحاس
لا جت هروج ماتجي في محله
داعب هموم الليل لاهب نسناس
وعطه الخبر من قلب خل لخله
قله حبيبك ماوطا قلبه الياس
حتى عذابك بالهوى جايز له
تعيش بالوجدان ماعاش هالراس
لولاك قلي وش انا عايش له
ان زانت الأيام ياشوق لاباس
والا صبرنا لين ربك يحله