&القرقيعــــــان &

قرقيعان وقرقيعان
بين قصيّر ورمضان
عادت عليكم صياّم
كل سنة وكل عام
سلم ولدهم يا الله
خله لأمه يا الله
عطونا الله يعطيكم
بيت مكة يوديكم
ويرجعكم لهاليكم
عطونا يا اهل السطوح
عطونا والا بنروح






القريقعان من العادات الجميلة اللي ميزت شهر رمضان المبارك
في بلدان الخليج.. بما فيه من تراحم ومودة
وتكافل بين المسلمين من غير تكلف أو تباهي..
كانت أيام كلها بركة رغم رزقهم القليل فكانوا
متمسكين بالعادت والتقاليد يحرصون على الاشياء
اللي فيها فرح وبهجة للأطفال وتبث روح التعاون
وتقوي الروابط الاجتماعية بينهم وتزيد علاقة الأطفال
بجيرانهم ومعارفهم من خلال مسيرتهم بهذا القرقيعان .




كثير ما نسمع بقريقعان بس مانعرف وش معنى الكلمة ،،

اللي أحس انه أكثر قرب للواقع هو أن قرقيعان مشتقة
من كلمة "قرقعة" أو "قرع الطبل" حيث كان الأطفال
يدورون في الشوارع في ليالي رمضان حاملين طبلة صغيرة
أشبه بطبلة المسحراتي، ويغنون أغاني معينة خاصة
بهذه العادة او انه قرع الأبواب وقيل من الأصوات الصادرة
عن الحلوى والمكسرات وهي تقرقع وتتحرك داخل (الكيس)
اللي يكون معلقاً على أعناق الأطفال وقيل هي صوت الحجارة
البحرية يضربون بعضها ببعض أثناء التجوال فتصدر قرقعة
كتعبير للفرح والعرس الجماعي البهيج ،،،
في جميع الاحوال من التقرقع يعني أي شي يطلع
سواء صوت باب او قرقعة الحلوى أو أي شي.





تختلف مسميات هذه الليلة في دول الخليج
حيث يسميها البعض (القرنقشوه) أو (الطلبة) في سلطنة عمان ،
وتسمى أيضاً (طاب طاب) ، وتسمى في البحرين ( قرنقعوه) ،
وفي الساحل الشرقي من المملكة العربية السعودية
تسمى (الناصفة) او قرقعان وعند اهل نجد (قريقشون)
، أما في الأحساء فتسمى (قرقيعان) ،
وفي الكويت تسمى (قرقيعان) ،،
وعلى اختلاف الاسامي الا ان العادات المتبعة في
نفسها تتطابق في كافة دول الخليج




في منتصف شهر رمضان من كل عام كانوا بزارين الحارة
أول يتجمعون بعد صلاة المغرب وكل واحد معه فانوس بيده
لأن في ذاك الوقت مافيه كهرب الا قليل ويكونون معلقين كيسة
او خيشة عشان يجمع فيها الحلاو والمكسرات وبعضهم يحطونها
بمخابيهم بس ذولا طبعا ماراح يجمعون كثير لانها بتمتلي ويرجعون بيتهم ،،
العيال يجتمعون بمكان ويتفقون انهم ينقسمون إلى أقسام ..
كل فريق يروح بجهه عشان يقرقع فيه،
ويدورون على البيوت ويطقون الابواب وهم يغنون باعلى اصواتهم


"قرقيعان وقرقيعان بين قصيّر ورمضان
عادت عليكم صيام كل سنة وكل عام ..
سلم ولدهم يا الله .. وخله لأمه يا الله" ..

الاغلب يفتحون الباب ويحطون اهل البيت قرقعانهم بسله
او مخرف اللي يحطون فيه التمر ( عباره عن سله مسوينها بسعف النخل )
ثم يرمون الحلاو على العيال وكلن يقحش من ذا المكسرات
والحلاو <<< يعني لازم تصف قدام عشان يمديك تاخذ الاول ..
فيه عيال يرجعون محملين شي وشويات مالين اكياسهم ومخابيهم
وفيه عيال بايهين مايمديهم يخمون ولاشي تشوف كيستهم
مافيها الا ذريره <<< يعني شوي للي ثقافتهم أجنبية ههههههههههههههههههه

يوم القرقيعان يكون رائع وسعة صدر مع انه اشياء بسيطه وغير متكلفه ..
مكسرات قريض (حمص يابس للي مايعرفونه)
وحلاو صعو (لوز مغلف بشي ملون) وملبس وفول سوداني ..
وهذا اكثر شي كانو يحطونه .. يعني اشياء بسيطه مهيب مكلفه
ومع كذا وناسة وسعة صدر وتغيير ..
يعني تتحول القريه إلى ما يشبه العيد او الكرنفال ..
كل العيال طالعين ولابسين لبس شعبي ..
البنات لابسين بخانق وجلابيات والعيال ثوب وطاقيه
ويمكن يلبسون دقله او مشلح معه >> هذا الكاشخ




هذي صور منوعه للقرقيعان :-












في فرق بين قرقيعان الاول وقرقيعان اليوم .. مع تغير المستوى
صار في تكلف اكثر بس البساطه اكيد احلى ..
هاليومين صار القرقيعان مثل العزيمه .. وين دوارة البزران في الشوارع
هذا حلاة القرقيعان .. وكانوا أول يحطون ملابس خاصه لهاليوم ..
الحين القرقيعان في علب وزينه وشي كشخه ..
والشاطر اللي يدفع اكثر .. على خبري أول مايخسر شي
كلها خيشة مكسرات يفرحون فيها العيال ..
بس اللبس تقريبا ماتغير مازالوا يلبسون البخنق وملابس تراثيه
هذي شوية صور للي حاب يشوف ..


جلابيه


http://www.kuwaitup.net/uploads/0809081157398737c267.gif

الكف ..





الهلالي ..





جلابيه مطرزه ( زري)











عشان نحيي العادة القديمة ونرجع زي أول عندنا
حركات واشياء تحسسنا بطعم الجار والحارة اللي نلف عليها
ونتعرف على الناس .. لذلك لازم نسوي طريقه فيها أشياء حلوة
وبسيطة وغير مكلفة ،، ومع ذلك ترضي غرورنا (بما اننا تطورنا)
بحيث نجمع بين الأصالة والتطور ،،
يمكن اطول عليكم شوي بس راح اعلمكم طرق سهلة
لصنع القرقعان وماتاخذ وقت وبنفس الوقت حلوة
او تقدرون تقولون مرتبة ..



الطريقه الاولى :-

[الادوات: شماغ محدن يبيه (يعني باقي خلاقينكم)، شريطة بيضاء، خيط أبيض، ابره
الطريقة: اقص الشماغ الى مربعات كبيره
(عاد موب مرة يعني كبر ورقه الطباعة
او قد الكمية الي بحط الحلويات فيه) بعدين اسفط القطعة
من الوسط واخيطها من الجنب، من تحت بتصير لي زي الشنطه
بس مالها سيور اسوي خرم من الجهتين من فوق في الفتحه
اجيب الشريطه واقصها حوالي 5سم واثبتها في الخرم الي سويته
واثبته بالابره والخيط وبس .. تصير عندي كيس قرقيعان ولا احلى منه ..
واعبيه بشوي مكسرات وشوي شوكولاته وحلاو مصاص وبس




الطريقه الثانية :-

روحي محل ابو ريالين >> حل مريح ههههههههههه
تلقين زبيل او سلة مسوينها بسعف النخل
يبعيونها بريال اشتري لك وتعالي وبس وعبيه شوي مكسرت
وشوي حلاو يعني كله على بعض اربع ريال.


الطريقه الثالثة :-

فيه حرمه تكلمينها وتسوي لك اكياس قرقعان مرة حلوة للعجازة
الي تبي تشتريها منها بس احنا قلنا مانبي شي مكلف>> احذر
تشترين اكياس قماش شيفون فيه منها الوان واشكال
تقومين وتقصصين بقايا اقمشه عندكوتفنني يتفنن سوي لك
رجال بشماغ وثوب وبنت بجلابيه وبخنق
المهم واثبتيه على ذي الاكياس وبس ويطلع عندك كيس رهيب
وحلو عبيه بأي شي موب مشكله ..
الطريقه الرابعة (الأسهل) :-

تقصصين قماش مربعات وتحطين جواه الحلويات
وتربطينه بشريطة وبس.






فتوى هيئة كبار العلماء بالسعودية

حكم القرقيعان:

الحمد لله وحده والصلاة والسلام على من لا نبي بعده وبعد

فتوى رقم (15532) بتاريخ 24/ 11/1413هـ

فقد اطلعت اللجنة الدائمة للبحوث العلمية والإفتاء
على ما ورد إلى سماحة الرئيس العام من
المستفتي / مدير مركز الدعوة بالدمام بالنيابة والمحال
إلى اللجنة من الأمانة العامة لهيئة كبار العلماء
برقم (5054) وتاريخ 6/10/1413هـ وقد سأل المستفتي
سؤالا هذا نصه:

أنه جرت العادة في دول الخليج وشرق المملكة
أن يكون هناك مهرجان (القرقيعان) وهذا يكون في منتصف شهر رمضان
أو قبله وكان يقوم به الأطفال يتجولون على البيوت
يرددون أناشيد ومن الناس من يعطيهم حلوى أو مكسرات
أو قليل من النقود وكانت لا ضابط لها إلا أنه في الوقت الحاضر
بدأت العناية بها وصار لها احتفال في بعض المواقع والمدارس
وغيرها وصارت ليست للأطفال وحدهم
وصارت تجمع لها الأموال .. ؟

وبعد دراسة اللجنة للاستفتاء المذكور أجابت عنه
بأن الاحتفال في ليلة الخامس عشر من رمضان
أو في غيرها بمناسبة ما يسمى مهرجان القرقيعان
بدعة لا أصل لها في الإسلام (وكل بدعة ضلالة) فيجب
تركها والتحذير منها ولا تجوز إقامتها في أي مكان
لا في المدارس ولا في المؤسسات أو غيرها
والمشروع في ليالي رمضان بعد العناية بالفرائض
الاجتهاد بالقيام وتلاوة القرآن والدعاء .

والله الموفق
وصلى الله على نبينا محمد وآله وصحبه وسلم




يعطينى العافيه شئ منقول وشئ انا اضفته : :santa

يعطيك العافيه على الموضوع